Minggu, 25 April 2010
Lidah tak bertuan
Karya Muhammad Nadhir
Meu upat cukop bahaya
Kadang le babah hana di sengaja
Beek tapajoh asoe syedara
Beek tapegah yang sia-sia
Beuna tapike sigolom ta peu tubiet
Ibarat manok jiplueng lam rimba
Behati-hati bak peuleuh narit
Bek that biet-biet bak canda ria
Lidah yang lipeeh sang lagee padee
Walau ubeut pih that meuguna
Dengeu ngen pinyueng bek deunge ngen hate
Geutanyoe mate dalam peusuna
Di dalam babah asoe dikawee
Diduek di dalam awak durjana
Peu juoh heeut yang jeut keu pakee
Geutanyoe sare tamesyedara
Sigalom tapike ke naseeb insan
Dengan lidah geutanyoe pike
Bek tapeu a’jeeb bak aib taulan
Bek tapeu umpang bak tameupake
Manusia necipta lee Tuhan
Bek salah su dengan syaidara
Babah mesilat han ek talawan
Kadang saboh su jitueubit ulua
Tapeugah haba ngen ureung careung
Lee mamfaat yang geepekeulua
Haba nasehat yang betoi menteng
Nyak metamah nafsu mesyedara
Beujut keubut oh rayek gata
Beuna ta jaga maruwah di raja
Dalam islam getanyo jaga
Lidah ngen haba peuduk sebanja
Ken nan ureung yang hana tuseo droe
dalam donya nyoe geutanyoe jaga
Oreung yang muesue kadang hana thee droe
Jak pegah kegop dilikot mata
Salah tutoe ngen lidah han glah
Lagee luka ka keuneng sira
Kadang na narit yang lupah pegah
Bek salah babah bak di kelua
Lidah bak muka meukumat di babah
Mesee yang han glah di sinan ta cuci
Beu tapejeuoh hai lidah metuah
Beuna ta pemada ngen kalam yang suci
