Minggu, 25 April 2010
Riri rhangkari
Pantun Aceh Karya: Mustafa Ibrahim Deli
Riri rhangkari beulangong beusoe
Riri rhangkaroe aweuk teumaga
Syit ka meuri-ri biek publoe nanggroe
Syit ka meusoe-soe nyang weuh keu bansa
Riri rhangkari si bijeh pade
Riri rhangkare si bijeh lada
Padum na trep ta kalon sabe
Nanggroe meuhase goh lom deuh nyata
Riri rhangkari on seukee pulot
Riri rhangkalot on seukee rawa
Beujroh bak pi’e peurangui patoet
Bek ta peulikot alem ulama
Tuah bak raja nanggroe meuade
Tuah bak pade geusong han teuka
tuah bak rakyat lam saboh pike
tuah bak kaphee publa seungketa
Asai luka teuntee bak kude
Asai pake nibak meudawa
Asai breueh teuntee bak pade
Asai hase jeumet useuha
