Kamis, 29 April 2010
Doa Aneuk Nanggroe
Karya Sulaiman.A.Gani
Assalam mualaikoem, warahmatullah
jaroe neutadah, tabaca doa
neulintueng jaroe, baca fatihah
keu rasulullah,seulawuet teuma
syarat ngat cukoep, tamusyahadah
keu ma ngoen ayah, talake doa
keu bandum gure, ngoen tungku syiah
neubri le allah,tamoeng syuruga
doa talake , ka nibak allah
seuramoe meukah,bekle lam bala
bala tsunami, beuneupeusiblah
seuramoe meukah,beu jeuoh bala
deungoen beureukat, ka‘bah baitullah
beureukat syiah, bandum ulama
loen puphoen doa, jaroe neutadah
akhe kalimah, amin neubaca
keudua nambah, dosa neu ampoen
allah ya rabboen, neukabul doa
untuk peumimpin, rahmat neupeutroen
bekle neuhukoem, e ya rabbanaààamin
neubri ya allah, limpah meukatoe
peumimpin nanggroe, neubri bahgia
geupimpin rakyat, aceh lhe sagoe
tanyoe geuhimbau, pubuet agamaà..amin
tapuwoe aceh, lage saboeh jan
masa keurajeun, iskandar muda
aceh meuadat, kuat iseulam
qanun ngoen reusam, adat budayaà.amin
bandum ulama, beugeubri peuran
mangat seujalan deungoen umara
nanggroe ngat makmu, neubri le tuhan
seubab adelan, geumat neuracaà..amin
allah hu allah, allah hu rahman
uroe ngoen malam kamoe munajat
neubri ya allah, aceh beu aman
syariat islam, beumaju pesatààamin
ngoen undang undang, syariat iseulam
aceh takeumbang, kiban yang hajat
tapeudoeng hukoem,syariat tuhan
bekna tantangan, e ya hadharatà.amin
urueng yang salah, neutunyoek jalan
riwang bak tuhan,pubuet ibadat
beuroeh lam saba, ateuh cobaan
beuteugoeh iman, di ateuh balaà..amin
ya allah neubri, bagi keu rakyat
beu ji ibadat, pujoe rabbana
aceh lhe sagoe, beuroeh lam taubat
peudoeng syariat, hukoem agamaàà.amin
beu leupie hate, beusijuek jantoeng
keu bandum kawoem, di aceh meuhat
inoeng ngoen agam, kuta ngoen gampoeng
pujoe ilahon , syukur keu nikmatàààamin
allah hu allah, tuhan di kamoe
bak tuhan sidroe, kamoe munajat
beu dalam iman, oh wate meuwoe
dalam donya nyoe, iman seulamatàà.amin
allah hu allah, allah hu rabbon
allah kadiroen, sidroe yang esa
syariat islam, aceh neulindoeng
beujeut keu payoeng, peureulue umatààamin
syariat islam, tapeudoeng mayang
hukoem iseulam, aceh beujaya
beu ek tapuwoe, nanggroe iseulam
lage saboeh jan, iskandar mudaàà..amin
neubri peutunyoek, e ya ilahon
bekle na kawoem, yang pubuet dosa
kaseb be yangka, kamoe neuhukoem
dosa neu ampon, e ya rabbanaàààamin
bekle neu azeub, bala neupeutroen
e ya ilahon, kaseb be yangka
e ya tuhanku, kamoe neutuloeng
kamoe neulindoeng, e ya hadharatààamin
keu urueng korban, dalam tsunami
ya allah neubri, tamoeng syuruga
kubu beuluah, tuhanku neubri
korban tsunami pangkat syuhadaàà..amin
sajan fatimah, ngoen aneuk nabi
di kawoem ummi, blang padang masya
beusaboeh payoeng ,ka deungoen nabi
di kawoem abi, tamoeng syurugaàà..amin
allah hu allah, meu po dikami
aceh beuneubri, dame sentosa
neubri beu aman, aceh ya rabbi
bekle terjadi, jeut prang saudaraààamin
allah hu allah , allah hu rabbi
ya allah neubri ,ban hajat pinta
aceh neulindoeng, e ya ilahi
dame hilsinki, beu ek seumpurnaààamin
neubri acehnyoe, bek roeh lam jahe
lam suntoek sabe, bek prang saudara
aceh bek karu, bekle su bude
aceh bek pake , sabe saudaraààà..amin
nabi muhammad, rasul yang akhe
seulawuet sabe, saban kutika
berkat syufaat ,rasul yang akhe
aceh bekna le, neubri lam balaàà.amin
